kis haal mein rahti hun kisi taur se sun le

kis haal meñ rahtī huuñ kisī taur se sun le

lillāh kisī aur kisī aur se sun le

patthar ke bhī kānoñ se lahū bahne lagegā

rūdād-e-ġham-e-ishq agar ġhaur se sun le

ik baar nahīñ aisā ka.ī baar huā hai

dhīme se agar naam luuñ vo zor se sun le

jo dil pe guzartī hai kisī se na kahūñgī

sunñā hai jise jaa.e vo chit chor se sun le

lagtī haiñ burī aaj tujhe nuur kī bāteñ

achchhā to na bolūñgī kabhī ġhaur se sun le

kis haal mein rahti hun kisi taur se sun le

lillah kisi aur kisi aur se sun le

patthar ke bhi kanon se lahu bahne lagega

rudad-e-gham-e-ishq agar ghaur se sun le

ek bar nahin aisa kai bar hua hai

dhime se agar nam lun wo zor se sun le

jo dil pe guzarti hai kisi se na kahungi

sunna hai jise jae wo chit chor se sun le

lagti hain buri aaj tujhe nur ki baaten

achchha to na bolungi kabhi ghaur se sun le