kis hasin KHwab ka fasana hai

kis hasīñ ḳhvāb kā fasāna hai

zindagī dard kā tarāna hai

sab ki nazroñ meñ vo divāna hai

jis kā andāz shā.irāna hai

maut hī zindagī kī manzil hai

zindagī maut kā bahāna hai

muflisoñ kā bhī aur shāhoñ kā

qabr hī āḳhirī Thikāna hai

zindagī hai koī hasīñ mahbūb

jis kā andāz qātilāna hai

mar chukī hai ye vasl kī hasrat

terī yādoñ se dil lagānā hai

ghuḌkiyoñ aur gāliyoñ ke sivā

kyā ġharīboñ kā mehnatāna hai

mar gayā hai zamīr logoñ kā

ye zamāna bhī kyā zamāna hai

tū mujhe mat qubūl kar lekin

tujh se rishta mirā purānā hai

ba.ad marne ke qabr meñ 'ārif'

kaun apnā hai aur begāna hai

kis hasin KHwab ka fasana hai

zindagi dard ka tarana hai

sab ki nazron mein wo diwana hai

jis ka andaz shairana hai

maut hi zindagi ki manzil hai

zindagi maut ka bahana hai

muflison ka bhi aur shahon ka

qabr hi aaKHiri Thikana hai

zindagi hai koi hasin mahbub

jis ka andaz qatilana hai

mar chuki hai ye wasl ki hasrat

teri yaadon se dil lagana hai

ghuDkiyon aur galiyon ke siwa

kya gharibon ka mehnatana hai

mar gaya hai zamir logon ka

ye zamana bhi kya zamana hai

tu mujhe mat qubul kar lekin

tujh se rishta mera purana hai

baad marne ke qabr mein 'arif'

kaun apna hai aur begana hai