kis ke KHayal ne mujhe shorida kar diya

kis ke ḳhayāl ne mujhe shorīda kar diyā

tanhā-shabī ko aur bhī sanjīda kar diyā

ehsās-e-nā-rasā.ī kī banjar zamīn ko

kis ke ḳhayāl-e-sabz ne bālīda kar diyā

kal ham ne tasht-e-bām pe shab-ḳhūn maar kar

bistar uchaTtī niiñd kā ḳhvābīda kar diyā

biite ġhamoñ ko aaj kī talḳhī meñ ghol kar

mustaqbil-e-hayāt ko laġhzīdā kar diyā

har roz kī na.ī na.ī ījād ne 'hanīf'

har mādan-e-qadīm ko zholīda kar diyā

kis ke KHayal ne mujhe shorida kar diya

tanha-shabi ko aur bhi sanjida kar diya

ehsas-e-na-rasai ki banjar zamin ko

kis ke KHayal-e-sabz ne baalida kar diya

kal hum ne tasht-e-baam pe shab-KHun mar kar

bistar uchaTti nind ka KHwabida kar diya

bite ghamon ko aaj ki talKHi mein ghol kar

mustaqbil-e-hayat ko laghzida kar diya

har roz ki nai nai ijad ne 'hanif'

har madan-e-qadim ko zholida kar diya