kis ke sapnon se meri nind saji rahti hai
kis ke sapnoñ se mirī niiñd sajī rahtī hai
jāgtā huuñ to in āñkhoñ meñ namī rahtī hai
DhūñDhtā rahtā huuñ be-sudh maiñ kisī māchis ko
ek cigarette mire hoñToñ se lagī rahtī hai
ek tasvīr salīqe se rakhī hai ghar meñ
baaqī har chiiz to bas yuuñ hī paḌī rahtī hai
aise aalam meñ jahāñ koī nahīñ kahtā kuchh
ye sadāoñ kī fazā kaise banī rahtī hai
Dhaltā jaatā huuñ añdheroñ meñ maiñ rafta-rafta
chāñdnī duur kahīñ duur khaḌī rahtī hai
maiñ tire paas ḳhalāoñ meñ pahuñch jaatā huuñ
aur ik laash kahīñ ghar meñ paḌī rahtī hai
kis ke sapnon se meri nind saji rahti hai
jagta hun to in aankhon mein nami rahti hai
DhunDhta rahta hun be-sudh main kisi machis ko
ek cigarette mere honTon se lagi rahti hai
ek taswir saliqe se rakhi hai ghar mein
baqi har chiz to bas yun hi paDi rahti hai
aise aalam mein jahan koi nahin kahta kuchh
ye sadaon ki faza kaise bani rahti hai
Dhalta jata hun andheron mein main rafta-rafta
chandni dur kahin dur khaDi rahti hai
main tere pas KHalaon mein pahunch jata hun
aur ek lash kahin ghar mein paDi rahti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
