kis ki rakhti hain ye majal ankhiyan

kis kī rakhtī haiñ ye majāl añkhiyāñ

ki dekheñ mukh tirā sambhāl añkhiyāñ

surma siitī banā siyāh baran

aaj dil kuuñ huī haiñ kaal añkhiyāñ

raqs añjhuvāñ kā be-usūl nahīñ

kaf-e-mizhgāñ suuñ de haiñ taal añkhiyāñ

jab uThātī haiñ girya siiñ tūfāñ

kaf-e-dariyā kareñ rumāl añkhiyāñ

said karne kuuñ dil ke mizhgāñ suuñ

rūpte haiñ banā ke jaal añkhiyāñ

dil kuuñ ik til nahīñ mire ārām

lagī haiñ jab suuñ tere naal añkhiyāñ

dil kī ḳhūnīñ agar nahīñ to kyuuñ

is qadar haiñ tumhārī laal añkhiyāñ

tīr-e-mizhgāñ kamān-e-abrū siiñ

mārtī haiñ jigar meñ bhaal añkhiyāñ

'ābrū' jab kabhī nigāh kareñ

tab le jaañ tan siiñ jī nikāl añkhiyāñ

kis ki rakhti hain ye majal ankhiyan

ki dekhen mukh tera sambhaal ankhiyan

surma siti bana siyah baran

aaj dil kun hui hain kal ankhiyan

raqs anjhuwan ka be-usul nahin

kaf-e-mizhgan sun de hain tal ankhiyan

jab uThati hain girya sin tufan

kaf-e-dariya karen rumal ankhiyan

said karne kun dil ke mizhgan sun

rupte hain bana ke jal ankhiyan

dil kun ek til nahin mere aaram

lagi hain jab sun tere nal ankhiyan

dil ki KHunin agar nahin to kyun

is qadar hain tumhaari lal ankhiyan

tir-e-mizhgan kaman-e-abru sin

marti hain jigar mein bhaal ankhiyan

'abru' jab kabhi nigah karen

tab le jaan tan sin ji nikal ankhiyan