kis ko batate kis se chhupate suragh-e-dil

kis ko batāte kis se chhupāte surāġh-e-dil

chup saadh lī hai zaḳhm dikhāyā na dāġh-e-dil

kaise kareñ bayān ġham-e-jāñ kī dāstāñ

ai kaash gul khilā.e hamārā ye bāġh-e-dil

guzre hamārī ziist ke ayyām is tarah

labrez āñsuoñ se hai goyā ayāġh-e-dil

jab raakh ban ga.e to kahā ye harīf ne

jal jal ke vo jalāte rahe haiñ charāġh-e-dil

jis se mile tavīl zamāna guzar gayā

shāyad usī ke zehn meñ ho kuchh surāġh-e-dil

chāhat kī ab to koī bhī hasrat nahīñ rahī

sarsabz us kī yaad se phir bhī hai bāġh-e-dil

rakhtī nahīñ 'sabīla' kabhī aib par nazar

masrūf pyaar meñ rahā is kā farāġh-e-dil

kis ko batate kis se chhupate suragh-e-dil

chup sadh li hai zaKHm dikhaya na dagh-e-dil

kaise karen bayan gham-e-jaan ki dastan

ai kash gul khilae hamara ye bagh-e-dil

guzre hamari zist ke ayyam is tarah

labrez aansuon se hai goya ayagh-e-dil

jab rakh ban gae to kaha ye harif ne

jal jal ke wo jalate rahe hain charagh-e-dil

jis se mile tawil zamana guzar gaya

shayad usi ke zehn mein ho kuchh suragh-e-dil

chahat ki ab to koi bhi hasrat nahin rahi

sarsabz us ki yaad se phir bhi hai bagh-e-dil

rakhti nahin 'sabila' kabhi aib par nazar

masruf pyar mein raha is ka faragh-e-dil