kis ko malum ki wo log kahan rahte hain

kis ko mālūm ki vo log kahāñ rahte haiñ

terī dhun meñ jo shab-o-roz ravāñ rahte haiñ

jo fasāne sabaq-āmoz jahāñ rahte haiñ

tā-dam-e-marg vahī vird-e-zabāñ rahte haiñ

talḳhī-e-ġham hī sahī talḳhī-e-ayyām sahī

gāmzan ham ba-rah-e-zinda-dilāñ rahte haiñ

be-zabānī pe na jā apnī ki majzūb sahī

ḳhud-farāmosh haqīqat-nigarāñ rahte haiñ

terī mahfil meñ charāġhoñ kī zarūrat kyā hai

ġham ke sho.ale to sar-e-shām javāñ rahte haiñ

mausam-e-gul meñ bhī ham ahl-e-junūñ zindāñ meñ

be-niyāz-e-ḳhabar-e-sūd-o-ziyāñ rahte haiñ

kis ko malum ki wo log kahan rahte hain

teri dhun mein jo shab-o-roz rawan rahte hain

jo fasane sabaq-amoz jahan rahte hain

ta-dam-e-marg wahi wird-e-zaban rahte hain

talKHi-e-gham hi sahi talKHi-e-ayyam sahi

gamzan hum ba-rah-e-zinda-dilan rahte hain

be-zabani pe na ja apni ki majzub sahi

KHud-faramosh haqiqat-nigaran rahte hain

teri mahfil mein charaghon ki zarurat kya hai

gham ke shoale to sar-e-sham jawan rahte hain

mausam-e-gul mein bhi hum ahl-e-junun zindan mein

be-niyaz-e-KHabar-e-sud-o-ziyan rahte hain