kis ko sadā karūñ ki koī ham-navā nahīñ
kis moḌ par khaḌā huuñ mujhe ḳhud pata nahīñ
itnā girāyā mujh ko ġham-e-rozgār ne
maiñ āsmān ke bhī barābar rahā nahīñ
vo āñsuoñ meñ mujh ko bahā kar chale ga.e
sailāb merī aañkh kā lekin rukā nahīñ
nūr-e-nazar hī ban gayā ab āñsuoñ kā taar
āñkhoñ se terā naqsh judā to huā nahīñ
ahbāb aa ga.e haiñ 'taqī' dafn ke liye
kis ne kahā ki dost tire bā-vafā nahīñ
kis ko sada karun ki koi ham-nawa nahin
kis moD par khaDa hun mujhe KHud pata nahin
itna giraya mujh ko gham-e-rozgar ne
main aasman ke bhi barabar raha nahin
wo aansuon mein mujh ko baha kar chale gae
sailab meri aankh ka lekin ruka nahin
nur-e-nazar hi ban gaya ab aansuon ka tar
aankhon se tera naqsh juda to hua nahin
ahbab aa gae hain 'taqi' dafn ke liye
kis ne kaha ki dost tere ba-wafa nahin
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.