kis ko sauda tera a zulf-e-pareshan hoga

kis ko saudā tirā a zulf-e-pareshāñ hogā

kaun pāband-e-balā-e-shab-e-hijrāñ hogā

saaf burqe se ayaañ āriz-e-tābāñ hogā

ye vo hai chāñd jo badlī meñ numāyāñ hogā

yaad rahtī hai tire mus.haf-e-āriz kī sadā

mujh se kyā baḌh ke koī hāfiz-e-qurāñ hogā

jauharī tere laboñ se jo milā kar dekheñ

saaf be-āb har ik lāl-e-badaḳhshāñ hogā

kāvish-e-dasht-e-junūñ hai mire qadmoñ ko pasand

ab na talvoñ se judā ḳhār-e-muġhīlāñ hogā

kis ko sauda tera a zulf-e-pareshan hoga

kaun paband-e-bala-e-shab-e-hijran hoga

saf burqe se ayan aariz-e-taban hoga

ye wo hai chand jo badli mein numayan hoga

yaad rahti hai tere mushaf-e-ariz ki sada

mujh se kya baDh ke koi hafiz-e-quran hoga

jauhari tere labon se jo mila kar dekhen

saf be-ab har ek lal-e-badaKHshan hoga

kawish-e-dasht-e-junun hai mere qadmon ko pasand

ab na talwon se juda KHar-e-mughilan hoga