kis nam se pukar rahi hai saba use

kis naam se pukār rahī hai sabā use

chashm-e-hayā samajhtī hai jān-e-hayā use

phūloñ ke kis qabīle meñ us kā shumār hai

kyā baat kah ga.ī hai chaman kī havā use

devī vo shā.irī kī mire man meñ bas ga.ī

mauzū-e-sher banñā kuchh achchhā lagā use

apnī qabā-e-jāñ hai so vo taar taar hai

vo gul-numā hai pesh karūñ kyā ridā use

raushan rahe vo chehra hamesha kañval-sifat

yārab lage hamārī nazar kī duā use

kis nam se pukar rahi hai saba use

chashm-e-haya samajhti hai jaan-e-haya use

phulon ke kis qabile mein us ka shumar hai

kya baat kah gai hai chaman ki hawa use

dewi wo shairi ki mere man mein bas gai

mauzu-e-sher banna kuchh achchha laga use

apni qaba-e-jaan hai so wo tar tar hai

wo gul-numa hai pesh karun kya rida use

raushan rahe wo chehra hamesha kanwal-sifat

yarab lage hamari nazar ki dua use