kis ne kaha kisi ka kaha tum kiya karo

kis ne kahā kisī kā kahā tum kiyā karo

lekin kahe koī to kabhī sun liyā karo

har aarzū fareb hai har justujū sarāb

machle jo dil bahut use samjhā diyā karo

yuuñ chup rahā kare se to ho jaa.e hai junūñ

zaḳhm-e-nihāñ kured ke kuchh ro liyā karo

haañ shahr-e-ārzū thā kabhī ye ujaaḌ ghar

ab khañDaroñ se is kī kahānī sunā karo

is nā-shunīdanī se to behtar hai chup raho

hai kyā zarūr sikhva-e-be-fā.eda karo

uTh kar chale ga.e to kabhī phir na ā.eñge

phir laakh tum bulāo sadā.eñ diyā karo

naale ubal rahe hoñ to rastā bhī chāhiye

'bilqīs' gaahe gaahe ġhazal kah liyā karo

kis ne kaha kisi ka kaha tum kiya karo

lekin kahe koi to kabhi sun liya karo

har aarzu fareb hai har justuju sarab

machle jo dil bahut use samjha diya karo

yun chup raha kare se to ho jae hai junun

zaKHm-e-nihan kured ke kuchh ro liya karo

han shahr-e-arzu tha kabhi ye ujaD ghar

ab khanDaron se is ki kahani suna karo

is na-shunidani se to behtar hai chup raho

hai kya zarur sikhwa-e-be-faeda karo

uTh kar chale gae to kabhi phir na aaenge

phir lakh tum bulao sadaen diya karo

nale ubal rahe hon to rasta bhi chahiye

'bilqis' gahe gahe ghazal kah liya karo