kis ne kaha minnat-kash-e-mai-KHana hua hun

kis ne kahā minnat-kash-e-mai-ḳhāna huā huuñ

apnā hī lahū piitā huuñ dīvāna huā huuñ

har raat tilismāt ke qissoñ kā huuñ kirdār

har roz alif-lailvī afsāna huā huuñ

apnoñ ke diloñ meñ huuñ huuñ auroñ kī zabāñ par

duniyā ke liye maiñ kahāñ begāna huā huuñ

Thahrā huuñ gadā ik nigah-e-vaqt meñ lekin

apne liye to azmat-e-shāhāna huā huuñ

vo haiñ ki sitam toḌte haiñ saare mujhī par

aur maiñ huuñ ki bas sabr kā paimāna huā huuñ

vo maañ jo sarāpā thiiñ mohabbat na rahīñ ab

haañ maiñ usī maañ ke liye dīvāna huā huuñ

barsoñ se shanāsā rahe jin ke liye 'shāġhil'

kyoñ aaj maiñ un ke liye an-jānā huā huuñ

kis ne kaha minnat-kash-e-mai-KHana hua hun

apna hi lahu pita hun diwana hua hun

har raat tilismat ke qisson ka hun kirdar

har roz alif-lailwi afsana hua hun

apnon ke dilon mein hun hun auron ki zaban par

duniya ke liye main kahan begana hua hun

Thahra hun gada ek nigah-e-waqt mein lekin

apne liye to azmat-e-shahana hua hun

wo hain ki sitam toDte hain sare mujhi par

aur main hun ki bas sabr ka paimana hua hun

wo man jo sarapa thin mohabbat na rahin ab

han main usi man ke liye diwana hua hun

barson se shanasa rahe jin ke liye 'shaghil'

kyon aaj main un ke liye an-jaana hua hun