kis ne sada di kaun aaya hai

kis ne sadā dī kaun aayā hai

ai dil tū kyuuñ yuuñ chauñkā hai

aap se mil kar yuuñ lagtā hai

ek hasīñ sapnā dekhā hai

āñkheñ niiñd se kyuuñ haiñ bojhal

ġham kā nasha kuchh TuuT rahā hai

duur nagar ke rahne vaalo

kaun kisī ke paas rahā hai

sab ko hai apnā apnā ġham

kis ne kis kā ġham samjhā hai

yādoñ kī mahfil meñ kho kar

dil apnā tanhā tanhā hai

hastī ke sunsān safar meñ

kis ne kis kā saath diyā hai

āñkheñ khol ke dekhne vaalo

hastī ik sundar sapnā hai

kis ne sada di kaun aaya hai

ai dil tu kyun yun chaunka hai

aap se mil kar yun lagta hai

ek hasin sapna dekha hai

aankhen nind se kyun hain bojhal

gham ka nasha kuchh TuT raha hai

dur nagar ke rahne walo

kaun kisi ke pas raha hai

sab ko hai apna apna gham

kis ne kis ka gham samjha hai

yaadon ki mahfil mein kho kar

dil apna tanha tanha hai

hasti ke sunsan safar mein

kis ne kis ka sath diya hai

aankhen khol ke dekhne walo

hasti ek sundar sapna hai