kis ne socha tha ki is had tak bhi ja sakta hun main

kis ne sochā thā ki is had tak bhī jā saktā huuñ maiñ

maut se bhī 'ishq kā chakkar chalā saktā huuñ maiñ

mujh se achchhā koī aañsū poñchhne vaalā nahīñ

saath rakh le vāpsī meñ kaam aa saktā huuñ maiñ

vaqt ne gūñgā kiyā to hai magar itnā nahīñ

ghar akelā ho to ab bhī gungunā saktā huuñ maiñ

'ishq meñ tū jaan dene kī agar zid chhoḌ de

roz tujh ko ḳhud-kushī karnā sikhā saktā huuñ maiñ

tum se baḌh kar kaun duniyā meñ mire nazdīk hai

ik tumhīñ to ho ki jis kā dil dukhā saktā huuñ maiñ

bhiiḌ kā shikva hamesha dūsroñ se kis liye

yaar ḳhud ko bhī to raste se haTā saktā huuñ maiñ

kis ne socha tha ki is had tak bhi ja sakta hun main

maut se bhi 'ishq ka chakkar chala sakta hun main

mujh se achchha koi aansu ponchhne wala nahin

sath rakh le wapsi mein kaam aa sakta hun main

waqt ne gunga kiya to hai magar itna nahin

ghar akela ho to ab bhi gunguna sakta hun main

'ishq mein tu jaan dene ki agar zid chhoD de

roz tujh ko KHud-kushi karna sikha sakta hun main

tum se baDh kar kaun duniya mein mere nazdik hai

ek tumhin to ho ki jis ka dil dukha sakta hun main

bhiD ka shikwa hamesha dusron se kis liye

yar KHud ko bhi to raste se haTa sakta hun main