kis qadar hai tu bewafa suraj

kis qadar hai tū bevafā sūraj

shaam hote hī bujh gayā sūraj

saḳht hiddat meñ ghir gayā aalam

de gayā dhuup ko havā sūraj

ḳhud kiran māñgtī hai tujh se panāh

oḌh le abr kī ridā sūraj

ab to barbādiyāñ haiñ sar pe tire

vaqt apnā na tū gañvā sūraj

bār-e-ġham Daal kar zamāne par

ḳhuub letā rahā mazā sūraj

jaan de kar bhī raah se apnī

sargirāñ sang ko haTā sūraj

ḳhud mirī zaat mujh se ruuTh ga.ī

kam se kam tū gale lagā sūraj

ham bhī mehmān hoñ tire ghar ke

paas apne kabhī bulā sūraj

'qudsī' uktā gayā hai chhāñv se

sozishoñ meñ use jalā sūraj

kis qadar hai tu bewafa suraj

sham hote hi bujh gaya suraj

saKHt hiddat mein ghir gaya aalam

de gaya dhup ko hawa suraj

KHud kiran mangti hai tujh se panah

oDh le abr ki rida suraj

ab to barbaadiyan hain sar pe tere

waqt apna na tu ganwa suraj

bar-e-gham Dal kar zamane par

KHub leta raha maza suraj

jaan de kar bhi rah se apni

sargiran sang ko haTa suraj

KHud meri zat mujh se ruTh gai

kam se kam tu gale laga suraj

hum bhi mehman hon tere ghar ke

pas apne kabhi bula suraj

'qudsi' ukta gaya hai chhanw se

sozishon mein use jala suraj