کس قدر منزل آسان میں رکھا گیا ہوں

کس قدر منزل آسان میں رکھا گیا ہوں

پھول اصلی ہوں میں گلدان میں رکھا گیا ہوں

دوستو اپنی توجہ نہ ہٹانا مجھ سے

ایک امید ہوں امکان میں رکھا گیا ہوں

تا نہ ہو میری صدا خواب گہ شہ میں مخل

احتیاطاً بھی میں ایوان میں رکھا گیا ہوں

وہی ساحل کی تمنا بھی رکھے گا دل میں

جس کے ایما پہ میں طوفان میں رکھا گیا ہوں

میں خدا ہوں نہ مرے لفظ خدائی والے

ایک گھر ہے جہاں جزدان میں رکھا گیا ہوں

کوئی مصرف نہیں رہتا ہے پرانی شے کا

پھینکنے کے لیے دالان میں رکھا گیا ہوں