kis qayamat ki ghaTa chhai hai
kis qayāmat kī ghaTā chhā.ī hai
dil kī har choT ubhar aa.ī hai
dard badnām tamannā rusvā
ishq rusvā.ī hī rusvā.ī hai
us ne phir yaad kiyā hai shāyad
dil dhaḌakne kī sadā aa.ī hai
zulf o ruḳhsār kā manzar tauba
shaam aur sub.h kī yakjā.ī hai
ham se chhup chhup ke sañvarne vaale
chashm-e-ā.īna tamāshā.ī hai
dil tamannā se hai kitnā be-zār
Thokareñ khā ke samajh aa.ī hai
tum se 'māhir' ko nahīñ koī gila
us ne qismat hī burī paa.ī hai
kis qayamat ki ghaTa chhai hai
dil ki har choT ubhar aai hai
dard badnam tamanna ruswa
ishq ruswai hi ruswai hai
us ne phir yaad kiya hai shayad
dil dhaDakne ki sada aai hai
zulf o ruKHsar ka manzar tauba
sham aur subh ki yakjai hai
hum se chhup chhup ke sanwarne wale
chashm-e-aina tamashai hai
dil tamanna se hai kitna be-zar
Thokaren kha ke samajh aai hai
tum se 'mahir' ko nahin koi gila
us ne qismat hi buri pai hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
