kis raqs-e-jaan-o-tan mein mera dil nahin raha

kis raqs-e-jān-o-tan meñ mirā dil nahīñ rahā

go maiñ kisī julūs meñ shāmil nahīñ rahā

har chand terī ruuh kā mahram rahā huuñ maiñ

lekin tire badan se bhī ġhāfil nahīñ rahā

tujh se koī gila hai na terī vafā se hai

maiñ hī tire ḳhayāl ke qābil nahīñ rahā

bāhar chahak rahī ho ki andar mahak rahī

dil ab kisī bahār kā qaa.il nahīñ rahā

yaaro safīna-e-ġham-e-dil kā banegā kyā

lagtā hai ab kahīñ koī sāhil nahīñ rahā

kis raqs-e-jaan-o-tan mein mera dil nahin raha

go main kisi julus mein shamil nahin raha

har chand teri ruh ka mahram raha hun main

lekin tere badan se bhi ghafil nahin raha

tujh se koi gila hai na teri wafa se hai

main hi tere KHayal ke qabil nahin raha

bahar chahak rahi ho ki andar mahak rahi

dil ab kisi bahaar ka qail nahin raha

yaro safina-e-gham-e-dil ka banega kya

lagta hai ab kahin koi sahil nahin raha