kis roz humne aah-o-fughan mein basar na ki

kis roz ham ne āh-o-fuġhāñ meñ basar na kī

thī raat kaun sī jo taḌap kar sahar na kī

is daur-e-ḳhud-ġharaz meñ ye ḳhuddārī-e-nigāh

dam par bhī ban ga.ī sū-e-sāqī nazar na kī

bazm-e-jahāñ se jaate hue kyoñ kisī ne bhī

muḌ kar nigāh-e-jānib-e-dīvār-o-dar na kī

ye ehtiyāt-e-pās-e-mohabbat to dekhiye

karnī thī un se ġham kī shikāyat magar na kī

kotāhī-e-nazar thī ki nā-qadrī-e-suḳhan

'jarrār' ham ne pesh mata-e-hunar na kī

kis roz hum ne aah-o-fughan mein basar na ki

thi raat kaun si jo taDap kar sahar na ki

is daur-e-KHud-gharaz mein ye KHuddari-e-nigah

dam par bhi ban gai su-e-saqi nazar na ki

bazm-e-jahan se jate hue kyon kisi ne bhi

muD kar nigah-e-jaanib-e-diwar-o-dar na ki

ye ehtiyat-e-pas-e-mohabbat to dekhiye

karni thi un se gham ki shikayat magar na ki

kotahi-e-nazar thi ki na-qadri-e-suKHan

'jarrar' hum ne pesh mata-e-hunar na ki