kis samt ja raha hai zamana kaha na jae
kis samt jā rahā hai zamāna kahā na jaa.e
uktā ga.e haiñ log fasāna kahā na jaa.e
apnā makāñ ujaaḌ ke sahrāoñ kī taraf
vo shaḳhs kyuuñ huā hai ravāna kahā na jaa.e
lamhoñ kī tarah guzrī haiñ sadiyāñ to bār-hā
ik pal banā hai kaise zamāna kahā na jaa.e
sho.ale bane haiñ lafz to kāñTā huī zabāñ
ab kyā kareñ jo terā fasāna kahā na jaa.e
hai aañkh ufuq pe barf kī sūrat jamī huī
shab hogī kab sahar kā nishāna kahā na jaa.e
kahne ko ye ġhazal hai magar kyā ġhazal jise
nauha kahā na jaa.e tarāna kahā na jaa.e
kis samt ja raha hai zamana kaha na jae
ukta gae hain log fasana kaha na jae
apna makan ujaD ke sahraon ki taraf
wo shaKHs kyun hua hai rawana kaha na jae
lamhon ki tarah guzri hain sadiyan to bar-ha
ek pal bana hai kaise zamana kaha na jae
shoale bane hain lafz to kanTa hui zaban
ab kya karen jo tera fasana kaha na jae
hai aankh ufuq pe barf ki surat jami hui
shab hogi kab sahar ka nishana kaha na jae
kahne ko ye ghazal hai magar kya ghazal jise
nauha kaha na jae tarana kaha na jae
- Book : paalkii kahkashaa.n (Pg. 156)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
