kis se kya mangun jahan mein koi kya dega mujhe

kis se kyā māñgūñ jahāñ meñ koī kyā degā mujhe

jo bhī degā kam ziyāda vo ḳhudā degā mujhe

qatl karke jo tamannāoñ kā merī shaad hai

us se kyā ummīd rakhūñ ḳhūñ-bahā degā mujhe

vo masīhā jis ke dāman par lahū ke daaġh haiñ

zahr-e-qātil sūrat-e-āb-e-baqā degā mujhe

lamha-e-tark-e-ta.alluq ye kabhī sochā na thā

zindagī bhar tanhā rahne kī sazā degā mujhe

dekhtā hai āsmāñ taptā huā parbat ki ab

sabz ḳhil.at paanī barsā kar ḳhudā degā mujhe

jhurriyoñ aur silvaToñ par barhamī merī abas

jo mirā chehra hai vo hī aa.ina degā mujhe

kaam āñkhoñ se zabāñ kā lenā hai 'naġhmī' vahāñ

vo qalam karke zabāñ harf-o-navā degā mujhe

kis se kya mangun jahan mein koi kya dega mujhe

jo bhi dega kam ziyaada wo KHuda dega mujhe

qatl karke jo tamannaon ka meri shad hai

us se kya ummid rakhun KHun-baha dega mujhe

wo masiha jis ke daman par lahu ke dagh hain

zahr-e-qatil surat-e-ab-e-baqa dega mujhe

lamha-e-tark-e-talluq ye kabhi socha na tha

zindagi bhar tanha rahne ki saza dega mujhe

dekhta hai aasman tapta hua parbat ki ab

sabz KHilat pani barsa kar KHuda dega mujhe

jhurriyon aur silwaTon par barhami meri abas

jo mera chehra hai wo hi aaina dega mujhe

kaam aankhon se zaban ka lena hai 'naghmi' wahan

wo qalam karke zaban harf-o-nawa dega mujhe