kis waste gila karen un ka kisi se hum

kis vāste gila kareñ un kā kisī se ham

rūThī hai ham se zindagī aur zindagī se ham

ham haiñ vafā-shi.ār zamāne tū dekh le

duniyā-e-dil luTāte haiñ ham apnī ḳhushī se ham

is be-ruḳhī kā terī kahīñ khul na jaa.e raaz

yuuñ dostī kiye haiñ terī dushmanī se ham

had rūThne kī ho chukī ab maan jaao tum

ghabrā ke ro nā deñ kahīñ is dil-lagī se ham

us āstāñ pe sajde kī lazzat ko kyā kaheñ

ab to na baaz ā.eñge is bandagī se ham

'sāqib' jab un pe jaan mohabbat meñ kī nisār

tab lazzat-āshnā hue is āshiqī se ham

kis waste gila karen un ka kisi se hum

ruThi hai hum se zindagi aur zindagi se hum

hum hain wafa-shiar zamane tu dekh le

duniya-e-dil luTate hain hum apni KHushi se hum

is be-ruKHi ka teri kahin khul na jae raaz

yun dosti kiye hain teri dushmani se hum

had ruThne ki ho chuki ab man jao tum

ghabra ke ro na den kahin is dil-lagi se hum

us aastan pe sajde ki lazzat ko kya kahen

ab to na baz aaenge is bandagi se hum

'saqib' jab un pe jaan mohabbat mein ki nisar

tab lazzat-ashna hue is aashiqi se hum