kise DhunDhti hai mohabbat kisi ki

kise DhūñDhtī hai mohabbat kisī kī

adam paar hai ab sukūnat kisī kī

guzārī hai umr-e-ravāñ ḳhvāb jaise

hai ye rā.egānī badaulat kisī kī

haiñ kuchh zaḳhm jo motiyoñ se jaḌe haiñ

ki phir yaad aa.ī shabāhat kisī kī

maiñ chhū aa.ī saat āsmāñ kuchh ḳhabar hai

magar dil se niklī na hasrat kisī kī

thī sadiyoñ se ik mo.ajize kī tamannā

mujhe raas aa.egī sohbat kisī kī

mujhe zahr-e-qātil bhī raas aa gayā hai

mujhe maar Dālegī hairat kisī kī

maiñ kuchh kah na pā.ūñgī ye jāntī huuñ

agar ho mayassar jo ḳhalvat kisī kī

faqat chand lamhe mile jugnuoñ se

kisī kī rifāqat meñ ujrat kisī kī

kise DhunDhti hai mohabbat kisi ki

adam par hai ab sukunat kisi ki

guzari hai umr-e-rawan KHwab jaise

hai ye raegani badaulat kisi ki

hain kuchh zaKHm jo motiyon se jaDe hain

ki phir yaad aai shabahat kisi ki

main chhu aai sat aasman kuchh KHabar hai

magar dil se nikli na hasrat kisi ki

thi sadiyon se ek moajize ki tamanna

mujhe ras aaegi sohbat kisi ki

mujhe zahr-e-qatil bhi ras aa gaya hai

mujhe mar Dalegi hairat kisi ki

main kuchh kah na paungi ye jaanti hun

agar ho mayassar jo KHalwat kisi ki

faqat chand lamhe mile jugnuon se

kisi ki rifaqat mein ujrat kisi ki