kise KHabar hai main dil se ki jaan se guzrunga

kise ḳhabar hai maiñ dil se ki jaañ se guzrūñgā

jo baar baar saf-e-dushmanāñ se guzrūñgā

yaqīn bhī tujhe aa.egā merī hastī par

yahī nahīñ ki maiñ tere gumāñ se guzrūñgā

har ek shai mirī jānib hī multafit hogī

maiñ tere saath agar shahr-e-jāñ se guzrūñgā

añdherī raat kā mujh ko zarā bhī ḳhauf nahīñ

ka.ī charāġh jaleñge jahāñ se guzrūñgā

zamīn zaad huuñ 'saifī' zamīñ pe rahnā hai

na kahkashāñ na kisī āsmāñ se guzrūñgā

kise KHabar hai main dil se ki jaan se guzrunga

jo bar bar saf-e-dushmanan se guzrunga

yaqin bhi tujhe aaega meri hasti par

yahi nahin ki main tere guman se guzrunga

har ek shai meri jaanib hi multafit hogi

main tere sath agar shahr-e-jaan se guzrunga

andheri raat ka mujh ko zara bhi KHauf nahin

kai charagh jalenge jahan se guzrunga

zamin zad hun 'saifi' zamin pe rahna hai

na kahkashan na kisi aasman se guzrunga