kise KHabar ki hai kya kya ye jaan thame hue
kise ḳhabar ki hai kyā kyā ye jaan thāme hue
zamīn thāme hue āsmān thāme hue
fazā.eñ kuchh bhī nahīñ haiñ faqat nazar kā fareb
khaḌā huā hai koī āsmān thāme hue
safīna mauja-e-sail-e-balā se garm-e-satīz
havā kā bār-e-girāñ bādbān thāme hue
girā hai koī jarī ai fasīl-e-shahr-e-tabāh
muzāhimat kā darīda-nishān thāme hue
saḌak ke paar chalā jā rahā hai bachtā huā
kisī kā haath koī mehrbān thāme hue
ajab tilism sā manzar hai bhīgtī huī shaam
koī parī hai dhanak kī kamān thāme hue
kise KHabar ki hai kya kya ye jaan thame hue
zamin thame hue aasman thame hue
fazaen kuchh bhi nahin hain faqat nazar ka fareb
khaDa hua hai koi aasman thame hue
safina mauja-e-sail-e-bala se garm-e-satiz
hawa ka bar-e-giran baadban thame hue
gira hai koi jari ai fasil-e-shahr-e-tabah
muzahimat ka darida-nishan thame hue
saDak ke par chala ja raha hai bachta hua
kisi ka hath koi mehrban thame hue
ajab tilism sa manzar hai bhigti hui sham
koi pari hai dhanak ki kaman thame hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
