kise suraj kise chanda kahen hum

kise sūraj kise chanda kaheñ ham

kise ab aañkh kā taara kaheñ ham

tire dar se bhī ham pyāse hī lauTe

batā kaise tujhe dariyā kaheñ ham

vafā kī aabrū rakhnī hai ham ko

to tujh ko kis liye jhūTā kaheñ ham

hazāroñ zaḳhm dil se aa lageñ haiñ

kise aa'lā kise achchhā kaheñ ham

mohabbat ne hamārī jaan lī hai

ise ab zahr kī puḌiyā kaheñ ham

kise suraj kise chanda kahen hum

kise ab aankh ka tara kahen hum

tere dar se bhi hum pyase hi lauTe

bata kaise tujhe dariya kahen hum

wafa ki aabru rakhni hai hum ko

to tujh ko kis liye jhuTa kahen hum

hazaron zaKHm dil se aa lagen hain

kise aa'la kise achchha kahen hum

mohabbat ne hamari jaan li hai

ise ab zahr ki puDiya kahen hum