kisi aarzi KHushi ka ba-KHushi shikar hota

kisī 'ārzī ḳhushī kā ba-ḳhushī shikār hotā

mujhe ġham kī azmatoñ par jo na e'tibār hotā

ye faroġh-e-dasht-o-sahrā hai shikast-e-gulsitāñ se

na guloñ kā rañg uḌtā na kahīñ ġhubār hotā

mire naḳhl-e-zindagī ne ka.ī ruḳh havā ke dekhe

koī rut kabhī na aatī to sadā bahār hotā

tirī yaad agar na hotī to hayāt kā safīna

na ubuur shaam kartā na sahar ke paar hotā

mirī azmat-e-vafā se vo kabhī shikast khā kar

mirā azm chhīn lete agar iḳhtiyār hotā

tar-o-tāza yuuñ na rahte kabhī phuul mehr-o-mah ke

chaman jahāñ kā mausam jo na ḳhush-gavār hotā

thā agarche muntazir maiñ agar aap aa bhī jaate

to tamām 'umr apnā mujhe intizār hotā

jo na TuuT TuuT jaatā tire jabr kā tasalsul

nazar ehtijāj kartī na nafas pukār hotā

mire maslak-e-vafā meñ tirī diid thī 'ibādat

jo nazar na tujh pe paḌtī maiñ gunāhgār hotā

mirā ashk-e-ḳhūñ hai nāzish mire tajrbe kā hāsil

jo vufūr-e-ġham meñ hañstā to ye shāhkār hotā

kisi 'arzi KHushi ka ba-KHushi shikar hota

mujhe gham ki azmaton par jo na e'tibar hota

ye farogh-e-dasht-o-sahra hai shikast-e-gulsitan se

na gulon ka rang uDta na kahin ghubar hota

mere naKHl-e-zindagi ne kai ruKH hawa ke dekhe

koi rut kabhi na aati to sada bahaar hota

teri yaad agar na hoti to hayat ka safina

na ubur sham karta na sahar ke par hota

meri azmat-e-wafa se wo kabhi shikast kha kar

mera azm chhin lete agar iKHtiyar hota

tar-o-taza yun na rahte kabhi phul mehr-o-mah ke

chaman jahan ka mausam jo na KHush-gawar hota

tha agarche muntazir main agar aap aa bhi jate

to tamam 'umr apna mujhe intizar hota

jo na TuT TuT jata tere jabr ka tasalsul

nazar ehtijaj karti na nafas pukar hota

mere maslak-e-wafa mein teri did thi 'ibaadat

jo nazar na tujh pe paDti main gunahgar hota

mera ashk-e-KHun hai nazish mere tajrbe ka hasil

jo wufur-e-gham mein hansta to ye shahkar hota