kisi aawaz ke pichhe gae hain

kisī āvāz ke pīchhe ga.e haiñ

na-jāne kis taraf bachche ga.e haiñ

bahut kuchh ham ne badlā hai agarche

muqaddar arsh par likhe ga.e haiñ

tijārat-gāh-e-duniyā kā na pūchho

yahāñ insān tak beche ga.e haiñ

ghane ashjār bhī raste meñ aa.e

magar ham haiñ ki bas chalte ga.e haiñ

ba-sū-e-āb pyāse ḳhvāb le kar

ham apne saa.e se pahle ga.e haiñ

ham apne ghar nahīñ le jā sake kuchh

hamesha raah meñ luuTe ga.e haiñ

kisi aawaz ke pichhe gae hain

na-jaane kis taraf bachche gae hain

bahut kuchh hum ne badla hai agarche

muqaddar arsh par likhe gae hain

tijarat-gah-e-duniya ka na puchho

yahan insan tak beche gae hain

ghane ashjar bhi raste mein aae

magar hum hain ki bas chalte gae hain

ba-su-e-ab pyase KHwab le kar

hum apne sae se pahle gae hain

hum apne ghar nahin le ja sake kuchh

hamesha rah mein luTe gae hain