kisi bhi lafz ka jadu asar nahin karta

kisī bhī lafz kā jaadū asar nahīñ kartā

vo apne dil kī mujhe bhī ḳhabar nahīñ kartā

banā huā hai ba-zāhir vo be-ta.alluq bhī

jo mujh ko soche binā din basar nahīñ kartā

Thaharne bhī nahīñ detā hai apne dil meñ mujhe

mohabbateñ bhī mirī dil-ba-dar nahīñ kartā

laboñ meñ jis ke mohabbat kā ism-e-āzam hai

na-jāne pyaar ko vo kyoñ amar nahīñ kartā

nahīñ basātā jo aa kar bhī shahr-e-dil merā

yahāñ se jā ke bhī us ko khañDar nahīñ kartā

idhar kī mujh se chhupātā nahīñ hai baat koī

vo merī bāteñ kabhī bhī udhar nahīñ kartā

ajiib taur tarīqe haiñ us ke bhī 'haidar'

vo mujh se pyaar to kartā hai par nahīñ kartā

kisi bhi lafz ka jadu asar nahin karta

wo apne dil ki mujhe bhi KHabar nahin karta

bana hua hai ba-zahir wo be-talluq bhi

jo mujh ko soche bina din basar nahin karta

Thaharne bhi nahin deta hai apne dil mein mujhe

mohabbaten bhi meri dil-ba-dar nahin karta

labon mein jis ke mohabbat ka ism-e-azam hai

na-jaane pyar ko wo kyon amar nahin karta

nahin basata jo aa kar bhi shahr-e-dil mera

yahan se ja ke bhi us ko khanDar nahin karta

idhar ki mujh se chhupata nahin hai baat koi

wo meri baaten kabhi bhi udhar nahin karta

ajib taur tariqe hain us ke bhi 'haidar'

wo mujh se pyar to karta hai par nahin karta