kisi bhi qism ki ta۔bir man lete hain

kisī bhī qism kī tā۔bīr maan lete haiñ

jo log ḳhvāb ko jāgīr maan lete haiñ

mirī dalīl ko taqsīr maan lete haiñ

to aap zahr ko iksīr maan lete haiñ

hai bar-binā-e-tasavvur har ek shai kā vajūd

so ham bhī aks ko tasvīr maan lete haiñ

kasīr vaqt asīrī meñ biitā hai so ham

zarā sī aaḌ bhī zanjīr maan lete haiñ

chalā thā chaal salīqe se phir bhī haar gayā

to kyā huā ise taqdīr maan lete haiñ

bas ek pal kī ḳhamoshī se kyā badaltā hai

milegā aise bhī kashmīr maan lete haiñ

jo un kī baat kare jaan ham fidā kar deñ

jo dar dikhā.e use piir maan lete haiñ

ki zulfiqār hī haq par hai us ke saa.e meñ

jo bhī uThe vahī shamshīr maan lete haiñ

sirāt-e-ishq pe 'alvī' na.e na.e haiñ ham

so jānkāroñ kī tadbīr maan lete haiñ

kisi bhi qism ki ta۔bir man lete hain

jo log KHwab ko jagir man lete hain

meri dalil ko taqsir man lete hain

to aap zahr ko iksir man lete hain

hai bar-bina-e-tasawwur har ek shai ka wajud

so hum bhi aks ko taswir man lete hain

kasir waqt asiri mein bita hai so hum

zara si aaD bhi zanjir man lete hain

chala tha chaal saliqe se phir bhi haar gaya

to kya hua ise taqdir man lete hain

bas ek pal ki KHamoshi se kya badalta hai

milega aise bhi kashmir man lete hain

jo un ki baat kare jaan hum fida kar den

jo dar dikhae use pir man lete hain

ki zulfiqar hi haq par hai us ke sae mein

jo bhi uThe wahi shamshir man lete hain

siraat-e-ishq pe 'alwi' nae nae hain hum

so jaankaron ki tadbir man lete hain