kisi but ka ye dil shaida nahin hai

kisī but kā ye dil shaidā nahīñ hai

hamāre sar meñ ye saudā nahīñ hai

ḳhudā kyā hai ye batlānā kaThin thā

so batlāyā ki vo kyā kyā nahīñ hai

tum īmāñ laao vo rasta saral hai

saral tahqīq kā rasta nahīñ hai

ḳhudā hotā ye maiñ bhī chāhtā huuñ

merā chāhā ḳhudā kartā nahīñ hai

ḳhudā kyā hai ye muusā ne batāyā

sunā.ī detā hai dikhtā nahīñ hai

yahī tārīf hai us kī ki us ko

kisī ne aaj tak dekhā nahīñ hai

ḳhudā ke ishq meñ ho hamd likho

kisī ne bhī tumheñ rokā nahīñ hai

azal se ilm hai īmāñ kā dushman

bahut kuchh jānñā achchhā nahīñ hai

ḳhirad-mandoñ pe is ko chhoḌ pyāre

junūñ ye mas.ala terā nahīñ hai

kisi but ka ye dil shaida nahin hai

hamare sar mein ye sauda nahin hai

KHuda kya hai ye batlana kaThin tha

so batlaya ki wo kya kya nahin hai

tum iman lao wo rasta saral hai

saral tahqiq ka rasta nahin hai

KHuda hota ye main bhi chahta hun

mera chaha KHuda karta nahin hai

KHuda kya hai ye musa ne bataya

sunai deta hai dikhta nahin hai

yahi tarif hai us ki ki us ko

kisi ne aaj tak dekha nahin hai

KHuda ke ishq mein ho hamd likho

kisi ne bhi tumhein roka nahin hai

azal se ilm hai iman ka dushman

bahut kuchh jaanna achchha nahin hai

KHirad-mandon pe is ko chhoD pyare

junun ye masala tera nahin hai