kisi daraaz mein rakhna ki taq par rakhna

kisī darāz meñ rakhnā ki taaq par rakhnā

mire ḳhutūt-e-mohabbat sambhāl kar rakhnā

kisī bhī daur meñ shāyad maiñ tere kaam aa.uuñ

judā ho shauq se kuchh rābta magar rakhnā

ghaTā.eñ yaas kī chhā.eñgī chhaT bhī jā.eñgī

hujūm-e-dard meñ qaabū havās par rakhnā

ḳhudā kare ki mile tujh ko manzil-e-maqsūd

farāz pā ke nasheboñ pe bhī nazar rakhnā

anā ko bech ke jiinā bhī koī jiinā hai

balā se jaan jo jaatī hai jaa.e sar rakhnā

kabhī ho ghar meñ jo merā bhī intizār tujhe

añdherī raat meñ hargiz khulā na dar rakhnā

ḳhudā ke haath hai maut o hayāt ai 'rāsiḳh'

havas ke dar pe mohabbat ko mo'tabar rakhnā

kisi daraaz mein rakhna ki taq par rakhna

mere KHutut-e-mohabbat sambhaal kar rakhna

kisi bhi daur mein shayad main tere kaam aaun

juda ho shauq se kuchh rabta magar rakhna

ghaTaen yas ki chhaengi chhaT bhi jaengi

hujum-e-dard mein qabu hawas par rakhna

KHuda kare ki mile tujh ko manzil-e-maqsud

faraaz pa ke nashebon pe bhi nazar rakhna

ana ko bech ke jina bhi koi jina hai

bala se jaan jo jati hai jae sar rakhna

kabhi ho ghar mein jo mera bhi intizar tujhe

andheri raat mein hargiz khula na dar rakhna

KHuda ke hath hai maut o hayat ai 'rasiKH'

hawas ke dar pe mohabbat ko mo'tabar rakhna