kisi ghar ka bahut nuqsan hota hai

kisī ghar kā bahut nuqsān hotā hai

to daulat-mand kā sāmān hotā hai

darūn-e-dil agar īmān hotā hai

to phir jiinā baḌā āsān hotā hai

hathelī par jo sar rakkhe laḌā.ī meñ

usī kī jiit kā imkān hotā hai

badan kā bojh ham Dhote hī rahte haiñ

mareñ to ġhair kā ehsān hotā hai

pate kī baat kah saktā hai vo pāgal

koī hushiyār bhī anjān hotā hai

ġharībī haath par rakhtī hai khāne ko

amīroñ kā hī dastar-ḳhvān hotā hai

'asad' aa jā ki ham ko chain aa jaa.e

ye ghar tere binā sunsān hotā hai

kisi ghar ka bahut nuqsan hota hai

to daulat-mand ka saman hota hai

darun-e-dil agar iman hota hai

to phir jina baDa aasan hota hai

hatheli par jo sar rakkhe laDai mein

usi ki jit ka imkan hota hai

badan ka bojh hum Dhote hi rahte hain

maren to ghair ka ehsan hota hai

pate ki baat kah sakta hai wo pagal

koi hushiyar bhi anjaan hota hai

gharibi hath par rakhti hai khane ko

amiron ka hi dastar-KHwan hota hai

'asad' aa ja ki hum ko chain aa jae

ye ghar tere bina sunsan hota hai