kisi hijr ka kisi qurb ka koi silsila jo guzar gaya

kisī hijr kā kisī qurb kā koī silsila jo guzar gayā

mirī manziloñ kī naved thā vahī rāsta jo guzar gayā

kise vaqt thā jise dekh kar koī sochtā koī pūchhtā

vahī ek chhoTā sā sāniha pas-e-vāqi'a jo guzar gayā

vahī asl matn-e-hayāt thā vahī lafz rūh-e-sabāt thā

kisī sarsarī sī nigāh se mirā hāshiya jo guzar gayā

jahāñ rahbarī ke kamāl meñ ka.ī naam the mire salf ke

maiñ usī kā gard-o-ġhubār huuñ vahī qāfila jo guzar gayā

na basāratoñ ko jagā sakā na samā’atoñ meñ samā sakā

kisī zindagī kā ma.aal thā vahī hādisa jo guzar gayā

jo khiñchā thā jaañ ke ḳhutūt se jo muhīt thā mirī zaat par

vo ḳhayāl kā mirī soch kā koī zāviya jo guzar gayā

kisi hijr ka kisi qurb ka koi silsila jo guzar gaya

meri manzilon ki nawed tha wahi rasta jo guzar gaya

kise waqt tha jise dekh kar koi sochta koi puchhta

wahi ek chhoTa sa saniha pas-e-waqi'a jo guzar gaya

wahi asl matn-e-hayat tha wahi lafz ruh-e-sabaat tha

kisi sarsari si nigah se mera hashiya jo guzar gaya

jahan rahbari ke kamal mein kai nam the mere salf ke

main usi ka gard-o-ghubar hun wahi qafila jo guzar gaya

na basaraton ko jaga saka na sama’aton mein sama saka

kisi zindagi ka maal tha wahi hadisa jo guzar gaya

jo khincha tha jaan ke KHutut se jo muhit tha meri zat par

wo KHayal ka meri soch ka koi zawiya jo guzar gaya