kisi ka hath daman par kisi ka sar gareban mein

kisī kā haath dāman par kisī kā sar garebāñ meñ

ye dīvāne bhī gul-chharre uḌāte haiñ bayābāñ meñ

samā kar rah gayā har un kā jalva qalb-e-sozāñ meñ

kahāñ se itnī vus.at aa ga.ī is tañg-dāmāñ meñ

salīqa ḳhaak uḌāne kā baḌī mushkil se aatā hai

bagūle sar paTak kar rah ga.e āḳhir bayābāñ meñ

hañsī kaliyoñ ke lab par hai qabā-e-gul ke TukḌe haiñ

sabhī par chhā ga.ī dīvāngī ab ke gulistāñ meñ

qarīb aayā zamāna jab bhī ahd-e-gul kī ruḳhsat kā

ulajh kar rah gayā dast-e-junūñ tār-e-garebāñ meñ

suvaidā but-kada hai dil haram nazreñ pujārī haiñ

yahāñ tafrīq bhī kuchh hai to ye hai kufr-o-īmāñ meñ

iqāmat ke liye kyā vus.at-e-kaunain kuchh kam thī

abas añgḌā.ī lī tum ne dil-e-nazzāra-sāmāñ meñ

jo āñkhoñ se lagā.e gul to kāñTe rakh liye dil meñ

mujhe donoñ hī se 'qaisar' ilāqa thā gulistāñ meñ

kisi ka hath daman par kisi ka sar gareban mein

ye diwane bhi gul-chharre uDate hain bayaban mein

sama kar rah gaya har un ka jalwa qalb-e-sozan mein

kahan se itni wusat aa gai is tang-daman mein

saliqa KHak uDane ka baDi mushkil se aata hai

bagule sar paTak kar rah gae aaKHir bayaban mein

hansi kaliyon ke lab par hai qaba-e-gul ke TukDe hain

sabhi par chha gai diwangi ab ke gulistan mein

qarib aaya zamana jab bhi ahd-e-gul ki ruKHsat ka

ulajh kar rah gaya dast-e-junun tar-e-gareban mein

suwaida but-kada hai dil haram nazren pujari hain

yahan tafriq bhi kuchh hai to ye hai kufr-o-iman mein

iqamat ke liye kya wusat-e-kaunain kuchh kam thi

abas angDai li tum ne dil-e-nazzara-saman mein

jo aankhon se lagae gul to kanTe rakh liye dil mein

mujhe donon hi se 'qaisar' ilaqa tha gulistan mein