kisi ka naqsh jo pal bhar raha hai aankhon mein
kisī kā naqsh jo pal bhar rahā hai āñkhoñ meñ
baḌe ḳhulūs se ghar kar rahā hai āñkhoñ meñ
zamīñ se tā-ba-surayyā hai raushnī lekin
yahāñ to raat kā manzar rahā hai āñkhoñ meñ
chalā gayā hai tasavvur kī sarhadoñ se pare
vo ek shaḳhs jo aksar rahā hai āñkhoñ meñ
abhī abhī koī shahr-e-tarab se guzrā hai
kise dikhā.ūñ dhuāñ bhar rahā hai āñkhoñ meñ
tirī nazar meñ muravvat agar nahīñ na sahī
mirā ḳhulūs barābar rahā hai āñkhoñ meñ
kisi ka naqsh jo pal bhar raha hai aankhon mein
baDe KHulus se ghar kar raha hai aankhon mein
zamin se ta-ba-surayya hai raushni lekin
yahan to raat ka manzar raha hai aankhon mein
chala gaya hai tasawwur ki sarhadon se pare
wo ek shaKHs jo aksar raha hai aankhon mein
abhi abhi koi shahr-e-tarab se guzra hai
kise dikhaun dhuan bhar raha hai aankhon mein
teri nazar mein murawwat agar nahin na sahi
mera KHulus barabar raha hai aankhon mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
