kisi kaghaz ke sine par ye jazba darj kar dena
kisi kaghaz ke sine par ye jazba darj kar dena
Tahir Saood Kiratpuri
MORE BYTahir Saood Kiratpuri
kisī kāġhaz ke siine par ye jazba darj kar denā
mire bhaa.ī ke haq meñ merā hissa darj kar denā
ka.ī pahlū sabaq-āmez is qisse meñ mub.ham haiñ
hamāre saath guzrā hai ye qissa darj kar denā
agar hañsne hañsāne par koī column likhā jaa.e
to mere hukmarānoñ kā ravayya darj kar denā
ga.e vaqtoñ meñ ronā qarz thā so ro chukā huuñ maiñ
purānā kaaT denā aur uglā darj kar denā
tasavvur meñ qalam kuchh is tarah goyā huā mujh par
kahīñ dariyā ke dil par mujh ko pyāsā darj kar denā
kirāman kātibīñ tum ko qasam ḳhilqat ke ḳhāliq kī
mirī gustāḳhiyoñ par lafz tauba darj kar denā
agar kāġhaz ke chehre ko sajānā ho kabhī 'tāhir'
lab-e-kāġhaz pe koī ek misrā darj kar denā
kisi kaghaz ke sine par ye jazba darj kar dena
mere bhai ke haq mein mera hissa darj kar dena
kai pahlu sabaq-amez is qisse mein mubham hain
hamare sath guzra hai ye qissa darj kar dena
agar hansne hansane par koi column likha jae
to mere hukmaranon ka rawayya darj kar dena
gae waqton mein rona qarz tha so ro chuka hun main
purana kaT dena aur ugla darj kar dena
tasawwur mein qalam kuchh is tarah goya hua mujh par
kahin dariya ke dil par mujh ko pyasa darj kar dena
kiraman katibin tum ko qasam KHilqat ke KHaliq ki
meri gustaKHiyon par lafz tauba darj kar dena
agar kaghaz ke chehre ko sajaana ho kabhi 'tahir'
lab-e-kaghaz pe koi ek misra darj kar dena
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
