kisi ke aankh dikhane se kuchh nahin hoga

kisī ke aañkh dikhāne se kuchh nahīñ hogā

ham ahl-e-haq haiñ Darāne se kuchh nahīñ hogā

banegī baat jabhī ham bhī ek ho jaa.eñ

ki sirf shor machāne se kuchh nahīñ hogā

maiñ āftāb huuñ sun lo diyā nahīñ koī

havāo zor lagāne se kuchh nahīñ hogā

tumheñ gunāh kī apne sazā milegī zarūr

tumhāre gangā nahāne se kuchh nahīñ hogā

amal bhī shart hai itnā zarūr yaad rahe

faqat duā.eñ karāne se kuchh nahīñ hogā

uTho muqābla hālāt kā karo 'tābish'

ki baiThe ashk bahāne se kuchh nahīñ hogā

kisi ke aankh dikhane se kuchh nahin hoga

hum ahl-e-haq hain Darane se kuchh nahin hoga

banegi baat jabhi hum bhi ek ho jaen

ki sirf shor machane se kuchh nahin hoga

main aaftab hun sun lo diya nahin koi

hawao zor lagane se kuchh nahin hoga

tumhein gunah ki apne saza milegi zarur

tumhaare ganga nahane se kuchh nahin hoga

amal bhi shart hai itna zarur yaad rahe

faqat duaen karane se kuchh nahin hoga

uTho muqabla haalat ka karo 'tabish'

ki baiThe ashk bahane se kuchh nahin hoga