کسی کے دل میں سوزش ہو رہی ہے

کسی کے دل میں سوزش ہو رہی ہے

اگر میری ستائش ہو رہی ہے

کوئی میرے لیے محو دعا ہے

کہیں سازش پہ سازش ہو رہی ہے

ہمیں پر کیوں زمانے بھر کی آخر

ہر اک جانب سے بندش ہو رہی ہے

مرے احباب پردہ ڈالتے ہیں

برابر مجھ سے لغزش ہو رہی ہے

ابھی تو عشق کی یہ ابتدا ہے

تری آنکھوں سے بارش ہو رہی ہے

کسی کی یاد میں جاگی ہوئی ہیں

مری آنکھوں میں سوزش ہو رہی ہے

لبوں پر بات دل کی آ نہ پائی

نگاہوں سے گزارش ہو رہی ہے

تعفن دیکھ کر شہروں کا اجملؔ

بیابانی کی خواہش ہو رہی ہے