kisi ke hijr ke sae mein aa khaDa hun main

kisī ke hijr ke saa.e meñ aa khaḌā huuñ maiñ

'ajīb dukh hai mirā chhāñv meñ jalā huuñ maiñ

abhī to saañs hai baaqī zarā bachā huuñ maiñ

vo kab talak nahīñ aa.egā dekhtā huuñ maiñ

maiñ sar pe gaThrī ġhamoñ kī uThā.e phirtā huuñ

ab ahl-e-'ilm kaheñge ki sar-phirā huuñ maiñ

bas is liye ki tirā hausla na maañd paḌe

bas is liye hī to kahtā huuñ ab nayā huuñ maiñ

bas is liye ki mujhe kah ke sochnā na paḌe

hamesha soch-samajh kar hī boltā huuñ maiñ

ab is se qabl ta'āruf maiñ apnā pesh karūñ

harīf pahle batā dete haiñ 'atā' huuñ maiñ

kisi ke hijr ke sae mein aa khaDa hun main

'ajib dukh hai mera chhanw mein jala hun main

abhi to sans hai baqi zara bacha hun main

wo kab talak nahin aaega dekhta hun main

main sar pe gaThri ghamon ki uThae phirta hun

ab ahl-e-'ilm kahenge ki sar-phira hun main

bas is liye ki tera hausla na mand paDe

bas is liye hi to kahta hun ab naya hun main

bas is liye ki mujhe kah ke sochna na paDe

hamesha soch-samajh kar hi bolta hun main

ab is se qabl ta'aruf main apna pesh karun

harif pahle bata dete hain 'ata' hun main