kisi ke husn-e-alam-tab ki tanwir ke sadqe
kisī ke husn-e-ālam-tāb kī tanvīr ke sadqe
kisī bad-baḳht kī sūrat bhī pahchānī nahīñ jaatī
muravvat kī adā par band āñkheñ kar ke luT jaanā
ye nādānī sahī lekin ye nādānī nahīñ jaatī
vahāñ dil le chalā hai phir vahī ik baat kahne ko
kahī jaatī hai jo aksar magar maanī nahīñ jaatī
ḳhudāvandā phir āḳhir kyā tamannā hai mire dil kī
vo pahlū meñ bhī haiñ lekin pareshānī nahīñ jaatī
kiyā thā maiñ ne shikva aap ne āñkheñ jhukā lī thiiñ
huī muddat magar ab tak pashemānī nahīñ jaatī
vahī hai apnī rindī aur vahī vaa.iz kī fahmā.ish
burī aadat koī bhī ho ba-āsānī nahīñ jaatī
kisi ke husn-e-alam-tab ki tanwir ke sadqe
kisi bad-baKHt ki surat bhi pahchani nahin jati
murawwat ki ada par band aankhen kar ke luT jaana
ye nadani sahi lekin ye nadani nahin jati
wahan dil le chala hai phir wahi ek baat kahne ko
kahi jati hai jo aksar magar mani nahin jati
KHudawanda phir aaKHir kya tamanna hai mere dil ki
wo pahlu mein bhi hain lekin pareshani nahin jati
kiya tha main ne shikwa aap ne aankhen jhuka li thin
hui muddat magar ab tak pashemani nahin jati
wahi hai apni rindi aur wahi waiz ki fahmaish
buri aadat koi bhi ho ba-asani nahin jati
- Book : Kufr-o-iman (Pg. 51)
- Author : Hari chand Akhtar
- Publication : Satpaal, kucha Khakan Urdu Bazar- Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
