kisi ke husn-o-ada par jo tabsira kije

kisī ke husn-o-adā par jo tabsira kiije

falak-asās irādoñ se ibtidā kiije

koī to had ho muqarrar sitamgarī kī tirī

agarche sabr jo kiije bhī tā-kujā kiije

qarār dil kā nihāñ hai isī meñ jānānāñ

hamārī samt bhī chashm-e-sitam zarā kiije

asīr-e-panja-e-mizhgāñ haiñ jaane kab se ham

hamāre dard jigar kā mu'ālaja kiije

mujhe ḳhabar hai mirī dastaras nahīñ us tak

magar use hī ye dil chāhtā hai kyā kiije

ye TuuT kar jo bikharne kī chaah rakhtā hai

kabhī to puurī tamannā-e-ā.ina kiije

nayā nahīñ hai diloñ kā ye TūTnā 'ārif'

maiñ kah rahā huuñ zarā sā to hausla kiije

kisi ke husn-o-ada par jo tabsira kije

falak-asas iradon se ibtida kije

koi to had ho muqarrar sitamgari ki teri

agarche sabr jo kije bhi ta-kuja kije

qarar dil ka nihan hai isi mein jaananan

hamari samt bhi chashm-e-sitam zara kije

asir-e-panja-e-mizhgan hain jaane kab se hum

hamare dard jigar ka mu'alaja kije

mujhe KHabar hai meri dastaras nahin us tak

magar use hi ye dil chahta hai kya kije

ye TuT kar jo bikharne ki chah rakhta hai

kabhi to puri tamanna-e-aina kije

naya nahin hai dilon ka ye TuTna 'arif'

main kah raha hun zara sa to hausla kije