kisi ke nam rutba aur na KHadd-o-Khaal se matlab

kisī ke naam rutba aur na ḳhadd-o-ḳhāl se matlab

kirāman kātibīñ ko ḳhalq ke a.amāl se matlab

ye bas sāñsoñ kī lai par naam us kā japte rahte haiñ

faqīroñ ko nahīñ hotā miyāñ sur taal se matlab

mayassar aa.iiñ un ko zindagī kī saarī sauġhāteñ

jinheñ hai is jahāñ meñ shaukat-o-iqbāl se matlab

agar is daur meñ uThnā hai to uTh jaane de maulā

kisī momin ko kyoñ ho fitna-e-dajjal se matlab

vagarna kaun rañgīnī ke pīchhe bhāge duniyā kī

hai jab tak zindagī tab tak hai is janjāl se matlab

ham apnī dhun meñ har-dam mahv rahte haiñ hameñ ai dil

ġharaz ḳhushiyoñ kī sāzish se na ġham kī chaal se matlab

sagān-e-dahr kā hai kaam yūñhī bhauñkte rahnā

magar allāh vāloñ ko hai apnī chaal se matlab

vo jab ai 'shād' amānat ġhair kī ho hī gayā hai to

na rakh tū bhī ab us ke reshmī rūmāl se matlab

kisi ke nam rutba aur na KHadd-o-KHal se matlab

kiraman katibin ko KHalq ke aamal se matlab

ye bas sanson ki lai par nam us ka japte rahte hain

faqiron ko nahin hota miyan sur tal se matlab

mayassar aain un ko zindagi ki sari saughaten

jinhen hai is jahan mein shaukat-o-iqbaal se matlab

agar is daur mein uThna hai to uTh jaane de maula

kisi momin ko kyon ho fitna-e-dajjal se matlab

wagarna kaun rangini ke pichhe bhage duniya ki

hai jab tak zindagi tab tak hai is janjal se matlab

hum apni dhun mein har-dam mahw rahte hain hamein ai dil

gharaz KHushiyon ki sazish se na gham ki chaal se matlab

sagan-e-dahr ka hai kaam yunhi bhaunkte rahna

magar allah walon ko hai apni chaal se matlab

wo jab ai 'shad' amanat ghair ki ho hi gaya hai to

na rakh tu bhi ab us ke reshmi rumal se matlab