kisi ke paikar-e-ru-posh par nazar hai abhi

kisī ke paikar-e-rū-posh par nazar hai abhī

to duur mujh se dar-andāzī-e-sahar hai abhī

ye jaan kar bhī ki mujh par nazar nazar hai abhī

mirā shu.ūr burā.ī se be-ḳhabar hai abhī

lage haiñ buġhz ke shīshe jahāñ jabīnoñ meñ

vahāñ udaas mohabbat kā sang-e-dar hai abhī

isī ko log sameTeñge dāstānoñ meñ

mire laboñ pe jo rūdād-e-muḳhtasar hai abhī

kisī kā kilk-e-tanaffur charā na le us ko

jo husn merī nigārish meñ jalva-gar hai abhī

ḳhudā bachā.e har aisī kitāb ko jis meñ

hai Tiipū aaj bhī Tiipū zafar zafar hai abhī

yūñhī rahegā rahegā rahegā tā-ba-hayāt

adab pe 'shauq' ke jo sāya-e-‘asar’ hai abhī

kisi ke paikar-e-ru-posh par nazar hai abhi

to dur mujh se dar-andazi-e-sahar hai abhi

ye jaan kar bhi ki mujh par nazar nazar hai abhi

mera shuur burai se be-KHabar hai abhi

lage hain bughz ke shishe jahan jabinon mein

wahan udas mohabbat ka sang-e-dar hai abhi

isi ko log sameTenge dastanon mein

mere labon pe jo rudad-e-muKHtasar hai abhi

kisi ka kilk-e-tanaffur chara na le us ko

jo husn meri nigarish mein jalwa-gar hai abhi

KHuda bachae har aisi kitab ko jis mein

hai Tipu aaj bhi Tipu zafar zafar hai abhi

yunhi rahega rahega rahega ta-ba-hayat

adab pe 'shauq' ke jo saya-e-‘asar’ hai abhi