kisi KHas tak na pahunche kisi aam tak na pahunche

kisī ḳhaas tak na pahuñche kisī 'aam tak na pahuñche

jo haiñ ranjisheñ hamārī vo avaam tak na pahuñche

tirī dūriyāñ salāmat tujhe chāhtā rahūñ maiñ

mujhe maut aa.e tujh ko ye payām tak na pahuñche

tire haath meñ qalam hai to vo likh jo haq hai 'ahmad'

vo na baat likh tū 'ahmad' jo nizām tak na pahuñche

kisi KHas tak na pahunche kisi 'am tak na pahunche

jo hain ranjishen hamari wo awam tak na pahunche

teri duriyan salamat tujhe chahta rahun main

mujhe maut aae tujh ko ye payam tak na pahunche

tere hath mein qalam hai to wo likh jo haq hai 'ahmad'

wo na baat likh tu 'ahmad' jo nizam tak na pahunche