kisi ki aankh kisi ki zaban se pahle

kisī kī aañkh kisī kī zabān se pahle

vo mujh ko yaad karegā bayān se pahle

har aa.ine ko milegā vo tarjumān badan

jo zaḳhm zaḳhm dikhā de nishān se pahle

hasad kī aag lagī hai mire qabīle meñ

ye log jalne lageñge makān se pahle

maiñ āsmān pe apne qadam banā dūñgā

kisī ne soch liyā thā uḌaan se pahle

qadam qadam kī masāfat ne 'umr māñgī thī

maiñ apnī jaan luTātā thā jaan se pahle

kisi ki aankh kisi ki zaban se pahle

wo mujh ko yaad karega bayan se pahle

har aaine ko milega wo tarjuman badan

jo zaKHm zaKHm dikha de nishan se pahle

hasad ki aag lagi hai mere qabile mein

ye log jalne lagenge makan se pahle

main aasman pe apne qadam bana dunga

kisi ne soch liya tha uDan se pahle

qadam qadam ki masafat ne 'umr mangi thi

main apni jaan luTata tha jaan se pahle