kisi ki aankh mein shabnam talash karta hun

kisī kī aañkh meñ shabnam talāsh kartā huuñ

kahīñ pe hijr kā mausam talāsh kartā huuñ

mere vujūd meñ jab se samā gayā hai tū

maiñ ḳhud ko ḳhud meñ bahut kam talāsh kartā huuñ

jo zaḳhm tū ne diye un ko paal rakkhā hai

na chārāgar na hī marham talāsh kartā huuñ

tirī zabāñ pe chaḌhe maiñ se thak chukā huuñ maiñ

har ek lafz meñ ab ham talāsh kartā huuñ

kisi ki aankh mein shabnam talash karta hun

kahin pe hijr ka mausam talash karta hun

mere wujud mein jab se sama gaya hai tu

main KHud ko KHud mein bahut kam talash karta hun

jo zaKHm tu ne diye un ko pal rakkha hai

na chaaragar na hi marham talash karta hun

teri zaban pe chaDhe main se thak chuka hun main

har ek lafz mein ab hum talash karta hun