kisi ki aankhon mein behad hasin manzar tha

kisī kī āñkhoñ meñ behad hasīn manzar thā

mirā badan thā jazīra vo ik samundar thā

vo jalte pañkh liye baḌh rahā thā merī taraf

mirī ragoñ meñ Thahartā huā december thā

jo ek jugnū sā bujhtā rahā damaktā rahā

vo ajnabī to shanāsāoñ se bhī behtar thā

barā.e naam to paanī thā us ke chāroñ taraf

magar jo Thahrā to sahrā meñ vo shanāvar thā

ajiib baat batā.ī hai jugnuoñ ne hameñ

vo būḌhā sādhū nahīñ ḳhaufnāk ḳhanjar thā

'kañval' thī tez havā.eñ mire ta.āqub meñ

maiñ apne vaqt kā jaltā huā calendar thā

kisi ki aankhon mein behad hasin manzar tha

mera badan tha jazira wo ek samundar tha

wo jalte pankh liye baDh raha tha meri taraf

meri ragon mein Thaharta hua december tha

jo ek jugnu sa bujhta raha damakta raha

wo ajnabi to shanasaon se bhi behtar tha

barae nam to pani tha us ke chaaron taraf

magar jo Thahra to sahra mein wo shanawar tha

ajib baat batai hai jugnuon ne hamein

wo buDha sadhu nahin KHaufnak KHanjar tha

'kanwal' thi tez hawaen mere taaqub mein

main apne waqt ka jalta hua calendar tha