kisi ki chahat mein qaid rahna bura nahin hai to aur kya hai

kisī kī chāhat meñ qaid rahnā burā nahīñ hai to aur kyā hai

baġhair khiḌkī ke ghar meñ rahnā sazā nahīñ hai to aur kyā hai

purāne pattoñ ko jhaaḌ denā na.e-naveloñ ko raah denā

ḳhudā ke bande agar ye kār-e-ḳhudā nahīñ hai to aur kyā hai

ḳhud apne kāñdhoñ pe laash uThā.e maiñ dafn hone ko jā rahā huuñ

ye zinda lāshoñ kā āḳhirī marhala nahīñ hai to aur kyā hai

maiñ jab bhī chāhūñ bulā luuñ bādal girā duuñ bārish ugā duuñ gandum

ḳhudā ke lahje meñ baat karnā anā nahīñ hai to aur kyā hai

fasādiyoñ ko tarah tarah se jo aaj ham tum bachā rahe haiñ

munāfiqat kī ye āḳhirī intihā nahīñ hai to aur kyā hai

purāne zaḳhmoñ ko yaad rakhnā kurednā aur namak lagānā

phir us kī yādoñ meñ Duub jaanā nasha nahīñ hai to aur kyā hai

hamārī manzil vahī hai 'ahyā' jahāñ se be-daḳhl ham hue the

to jī ke marnā yā mar ke jiinā sazā nahīñ hai to aur kyā hai

kisi ki chahat mein qaid rahna bura nahin hai to aur kya hai

baghair khiDki ke ghar mein rahna saza nahin hai to aur kya hai

purane patton ko jhaD dena nae-nawelon ko rah dena

KHuda ke bande agar ye kar-e-KHuda nahin hai to aur kya hai

KHud apne kandhon pe lash uThae main dafn hone ko ja raha hun

ye zinda lashon ka aaKHiri marhala nahin hai to aur kya hai

main jab bhi chahun bula lun baadal gira dun barish uga dun gandum

KHuda ke lahje mein baat karna ana nahin hai to aur kya hai

fasadiyon ko tarah tarah se jo aaj hum tum bacha rahe hain

munafiqat ki ye aaKHiri intiha nahin hai to aur kya hai

purane zaKHmon ko yaad rakhna kuredna aur namak lagana

phir us ki yaadon mein Dub jaana nasha nahin hai to aur kya hai

hamari manzil wahi hai 'ahya' jahan se be-daKHl hum hue the

to ji ke marna ya mar ke jina saza nahin hai to aur kya hai