کسی کی چشم میگوں کا فسوں ہے
کسی کی چشم میگوں کا فسوں ہے
طبیعت میں عجب رنگ جنوں ہے
محبت کے سوا کیا اس کو کہیے
جو اس کی یاد کا عالم فزوں ہے
محبت کی نوازش اللہ اللہ
عجب اک لذت سوز دروں ہے
کرم میں بھی نہ ہوں مخفی جفائیں
کہ انداز ستم جو گونا گوں ہے
غم و اندوہ کا عالم نہ پوچھو
کہ حالت قلب مضطر کی زبوں ہے
مآل عشق ایسا توبہ توبہ
زیاں ہے جان کا اور دل کا خوں ہے
بپا شورش ہے کیوں انعامؔ ہرسو
دل و جاں تشنۂ ذوق سکوں ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
